ЗОШТО Е ВАЖНО ДЕЦАТА ДА УЧАТ МОДЕРЕН И УРБАН ТАНЦ

Танцот е дисциплина која влијае позитивно врз растот и развојот на децата и младите, делувајќи и унапредувајќи ги психомоторните способности кај нив. Со танцот се развива координација, концентрација, брзина, јакост на телото, се зајакнува и одржува мускулниот тонус, еластичноста на телото а истовремено, се ослободува телото од стресот, се буди креативност и се развива дисциплини. Во најголемиот број земји во светот, танцот е дисциплина која е вклучена во образовниот процес уште од најмала возраст, со цел да се придонесе кај младите кон развивање на сите горенаведени вештини и да се поттикне одржување на здраво тело и здрав дух.

БЕНЕФИТИ НА ПРОГРАМОТ

• Правилен раст и развој на телото на едно дете
• Унапредување на вештини на телото на децата и младите (координација, концентрација, мускулен тонус, еластичност, агилност, брзина)
• Унапредување на психо-социјални вештини (дисциплина, отвореност, развој на позитивни вредности и култура, социјализација и комуникација)
• Развој на креативноста кај децата и поттикнување на нивна креација како и слобода во изразување

ПОНУДА НА ЧАСОВИ

Часовите за танц ги одржуваат обучени педагози кои се долгогодишни активни танчари и предавачи во Битрикс Културно-уметнички Центар. Во овој центар има часови за различни возрасти и тоа: Мини деца (4-6 години), Деца (7-11 години), Јуниори (12-15 години), Сениори (16+ години)

Кои танцови се изучуваат: Хип-Хоп, Современ танц, Dancehall, Freestyle.

Согласно за кој тип на танц и за која возраст станува збор, часовите се организирааат двапати неделно во соодветен термин кој е однапред предвиден за соодветната група.

ЗАБЕЛЕШКА:

Целата содржина на програмот за модерен и урбан танц ќе биде доставен во живо и нема да биде претходно снимена во облик на лекции, а учесниците ќе имаат можност активно да учествуваат во истиот.

ПОГЛЕДНИ БРОШУРА

БИТРИКС КУЛТУРНО-УМЕТНИЧКИ ЦЕНТАР

Ова е организација која веќе десет години активно работи во сферата на изведбените уметности, со посебен акцент на танцот, поспецифично урбаните танци и современ танц. Низ годините, Битрикс паралелно делува на неколку фронта и тоа:

• развој на млади и квалитетни танчари
• развој и промоција на млади кореографи
• развој и имплементација на проекти од областа на танцот и перформативните уметности со цел унапредување на танцовата сцена кај нас

Членовите на Битрикс се двократни вицешампиони на ESDU Светското првенство во модерни танци, многупати првенци на домашни, регионални и европски првенства, а истовремено креатори се и на:

• проектот „Битрикс Танцова Лига“ (1,2,3,4,5 и 6) / Единствениот интернационален танцов камп и фестивал кој се одржува во С.Македонија
• проектот „Битрикс Спешлс“ (1,2 и 3) / Отворени танцови работилници за целата сцена
• претставите: „Издигнување“ 2013, „Делови“ 2016, „Тишина“ 2018 и „Етер“ 2019.
• проектот „Битрикс танцов караван“ 1 и 2 / отворени и бесплатни танцови работилници во повеќе градови од С.Македонија
• проектот со УНИЦЕФ – Позитивно родителство / работилници и перформанси во 15 градови во С.Македонија, и уште многу други.

Преку програмот за танц, децата ќе добијат можност да бидат вклучени во часови по танц кои можат да бидат групни и инвидуални, а притоа ќе работат прилагодена програма согласно возраста и нивото на познавање на танцови техники.